தினமும் நடைபயிற்சி செய்வதால் ஏற்படும் நன்மைகள்

 

தினமும் நடைப்பயிற்சி செய்வது உடலுக்கு நல்லது என்று மருத்துவர்கள் பரிந்துரைக்கிறார்கள். உடற்பயிற்சியை விட காலை நடைப்பயிற்சி எளிதானது. நடைப்பயிற்சி உங்கள் உடல் ஆரோக்கியத்திற்கும் மன ஆரோக்கியத்திற்கும் நல்லது. 

தினசரி நடைப்பயிற்சி செய்வது இதய ஆரோக்கிய பிரச்சனை மற்றும் அதிக உடல் எடை, சர்க்கரை நோய், உயர் இரத்த அழுத்தம், மனஅழுத்தம் ஆகியவற்றிலிருந்து உங்களை விடுவிக்கிறது .

எல்லா வயதினரும் , பெண்களும் ஆண்களும் தினசரி நடைபயிற்சி செய்யலாம். விறுவிறுப்பான வேகத்தில் நடப்பது உங்கள் ஆரோக்கியத்தை மேம்படுத்தும். இந்த கட்டுரையில், தினமும் 30 நிமிடங்கள்  நடைபயிற்சி செய்வதால் ஏற்படும் நன்மைகள் பற்றிய தெரிந்து கொள்ளலாம்.

தினசரி தவறாமல் நடைப்பயிற்சி செய்வது உங்கள் உடலின் தசைகளை பலப்படுத்துகிறது. காலையில் குறைந்தது 30 நிமிடங்கள் நடைபயிற்சி செய்வது  உங்கள் உடல் மற்றும் மன ஆரோக்கியத்திற்கும் நன்மைகளை தருகிறது.  காலையில் சுத்தமான காற்றில் நடைபயிற்சி செய்வது உங்கள் மனச்சோர்வை நீக்கும் என்கிறார்கள். மன அழுத்தம் மற்றும் மனச்சோர்வு போன்ற பிரச்சினைகளின் விளைவுகளிலிருந்து நீங்கள் வெளியேற விரும்பினால், தினமும் காலையில் நடக்கத் தொடங்குங்கள்.

செரிமானம் சீராகும்

செரிமான பிரச்சினைகளால் நீங்கள் கஷ்டப்பட்டால், நடைபயிற்சி உங்களுக்கு பயனுள்ளதாக இருக்கும். உங்கள் செரிமான அமைப்பை வலுப்படுத்த தினசரி நடை ஒரு சிறந்த வழியாகும்.   

உடல் எடை குறையும்

உடல் எடையை குறைக்க நினைப்பவர்கள் தினமும்  1 மணிநேர நடைப்பயணம் ஒரு நல்ல நடைமுறையாகும். காலையில் வெறும் வயிற்றில் நடப்பது அவர்களின் உடலில் உள்ள அதிகப்படியான கொழுப்பின் அளவைக் குறைக்கும். 

ஒரு மருத்துவப் பள்ளியின் ஆராய்ச்சியாளர்களின் கூற்றுப்படி, ஒரு அரை மணி நேர "வேகமான" நடைப்பயனம் உடல் எடையை குறைக்க  உதவும் என்கிறார்கள்.

நோய் எதிர்ப்பு சக்தி அதிகரிக்கும்

வழக்கமான காலை நடைபயிற்சி  பொதுவான வியாதிகளைத் தடுக்க நம் உடலின் நோய் எதிர்ப்பு சக்தியை அதிகரிக்கிறது என்று ஆய்வுகள் காட்டுகின்றன. வேகமான நடப்பது உடலில் இரத்த ஓட்டத்தை மேம்படுத்துவதோடு,   வெள்ளை இரத்த அணுக்களின் உற்பத்தியையும் அதிகரிக்கிறது.

சர்க்கரை நோய்

சர்க்கரை நோயாளிகள் தினமும் காலை நடைப்பயிற்சி செய்வது நல்லது. ஏனெனில் தினமும் 1 மணி நேரம் நடந்து செல்வது நீரிழிவு அறிகுறிகளைக் குறைக்குமாம்.  ஒரு ஆய்வின்படி, 30 முதல் 60 நிமிடங்கள் நடப்பதால்  இரத்தத்தில் சர்க்கரை அளவு குறையும் என்கிறார்கள். நீங்கள் நீரிழிவு நோயாளியாக இருந்தால், நீரிழிவு சிகிச்சையுடன் காலையிலும் மாலையிலும் நடைபயிற்சி செல்லுங்கள். அவ்வாறு செய்வது நீரிழிவு தொடர்பான பிற பிரச்சினைகளிலிருந்து உங்களை காப்பாற்றும்.

மனஅழுத்தம் 

மனச்சோர்வு அல்லது மன அழுத்தம் போன்ற அறிகுறிகள் மன மற்றும் உடல் ஆரோக்கியத்திற்கு தீங்கு விளைவிக்கும். மனச்சோர்வு மற்றும் மன அழுத்தத்தைத் தவிர்க்க காலை நடை ஒரு சிறந்த வழியாகும். காலை நடைப்பயணத்திற்குப் பிறகு உங்கள் மன அழுத்தம் குறையும் என்கிறார்கள் காரணம் நடைபயிற்சி  அல்லது உடற்பயிற்சியின் போது எண்டார்பின் என்கிற ஹார்மோன் சுரக்கும், இந்த ஹார்மோன்களை மகிழ்ச்சி ஹார்மோன்கள் என்கிறார்கள், காரணம் இவை மன அழுத்ததை குறைத்து இரவில் நல்ல தூக்கத்தை கொடுக்கும், ஆற்றலை அதிகரிக்கும் மேலும் உங்கள்  ஆரோக்கியத்தை மேம்படுத்த உதவுகிறது. மன ஆரோக்கியத்தை பராமரிக்க ஒவ்வொரு நாளும் இரண்டு மைல் தூரம் நடக்க வேண்டும். நீங்கள் காலையில் நடந்தால் இன்னும் நல்லது.

இரூதய நோய்

இதய நோய்களுக்கான சாத்தியத்தை நீக்குவதற்கும் ஆரோக்கியமான இதயத்துக்கும் நடைபயிற்சி சிறந்த பயிற்சியாகும். ஏனெனில் அதிக வேகத்தில் நடப்பது இரத்த ஓட்டத்தை அதிகரிக்கிறது, இது இதயத்தின் வேலை திறனை அதிகரிக்கும். இது தவிர, இது உடலின் அனைத்து உறுப்புகளிலும் இரத்த ஓட்டத்தை அதிகரிக்கிறது. இது இதய ஆரோக்கியத்தையும் மேம்படுத்துகிறது. 

தினமும் நடைபயிற்சி செய்வதால்  இதய நோய் வருவதற்கான வாய்ப்புகள் பெருமளவில் குறைகிறது.

மூட்டு வலி குறையும்

ஒவ்வொரு நாளும் நடைபயிற்சி செய்பவர்களுக்கு மூட்டு வலி மற்றும் அது தொடர்பான பிற பிரச்சினைகள் வருவது குறைவு. மூட்டுகளை ஆரோக்கியமாக வைத்திருக்க விரைவான நடைபயிற்சி ஒரு பயிற்சியாகும். தினமும் தவறாமல் நடப்பது உங்கள் உடலின் அனைத்து பகுதிகளுக்கும் இரத்த ஓட்டத்தை அதிகரிக்கிறது. கீல்வாதம் மற்றும் பிற மூட்டு வலிகளைக் குறைக்கும். 

தசைகள் வலுவாகும்

வயதானவுடன், உடலின் தசைகளும் எலும்புகளைப் போல பலவீனமடையத் தொடங்குகின்றன. ஆனால் உடலின் தசைகளை வலுப்படுத்த நீங்கள் காலை நடைப்பயிற்சி செய்யலாம். தினசரி நடைபயிற்சி தசை சேதத்தைத் தடுக்க    உதவுகிறது. வழக்கமான நடைபயிற்சி உங்கள் கால் மற்றும் பின்புற தசைகளை பலப்படுத்துகிறது.